آپ پر سلامتی ہو

پچھلے کچھ مہینوں سے میں اردو سیارہ پر بہت ہی کم آیا ہوں اور نہیں معلوم کہ یہاں کیا بات ہوئی ہے کہ بلاگرز کے درمیان جھگڑا ہوا ہے اور ایک دوسرے کو بہت برا بھلا کہا گیا ہے ۔ مجھے یہ بات بالکل بھی پسند نہیں آئي ۔ ہم دوستوں کو چاہیے کہ ایسے موضوع پر بات کریں جس میں تکرار کم سے کم ہو ۔ میں چاہتا ہوں کہ ” سیارہ ” پر پیار اور محبت کی باتیں ہوں ۔ بھائی چارے کی باتیں ہوں اور یہاں ہم سب اردو سے محبت کرنے والے اردو کو انٹرنیٹ پر پھیلانے کی باتیں کریں ۔ ایک دوسرے کا سہارہ بنے جیسے ” قدیر ” بلاگینگ کی دنیا میں قدم رکھنے کے لیے میرا سہارہ بنے تھے ۔ یقین مانیے ، اگر قدیر احمد میری مدد نہ کرتے تو میں بلاگ لکھنے کے قابل نہ ہو پاتا ۔ میں چاہوں گا کہ یہاں لوگ ایک دوسرے کی طاقت بنیں ۔ ہم لوگ ایک دوسرے کو بلاگ کی صورت میں انٹرنیٹ پر اردو کی ترویج کے لیے ایک دوسرے کو اس بات پر قائل کریں کہ ہم روزانہ بلاگ پوسٹ کریں گے اور ایک دوسرے کے ساتھ رابطے میں رہیں گے ۔

یہ ایک فطری عمل ہے کہ بھائیوں میں ناراضگیاں کبھی کبھار ہو ہی جاتی ہیں ۔ دو ناراض بھائیوں کو آپس میں ملانے کی کوشش کرنی چاہیے ۔ میں چاہوں گا کہ اس سلسلے میں ” اردو ویب ” فراغ دلی کا مظاہرہ کرے اور ان تمام بلاگز کی آمد کو ” سیارہ ” پر بحال کرے جو پہلے ختم کی جا چکی ہیں ۔ میں خود ان لوگوں سے بات کرنے کو تیار ہوں تاکہ ہم ” اردو پسند ” اپنے گھر کی باتیں گھر میں ہی رہنے دیں اور ” جگ ہنسی ” نہ ہو ۔

چھوٹا منہ بڑی بات ، میں اس قابل تو نہیں کہ میری اس اپیل کو تسلیم بھی کیا جاۓ لیکن امید ہے اہل سیارہ اور ناظمین میری بات پر غور ضرور کریں گے ۔

اس سلسلے میں آپ کی راۓ کا انتظار رہے گا ۔

شیخو صاحب۔ یہ مسلے وقت پر سلجھنے چاہیں تھے۔ اب تو کئی سیارے بن گئے ہیں۔ اردو سیارہ کا ماحول ان لوگوں کی خود کی وجہ سے خراب ہوا تھا۔ دیکھیے بات یہ تھی کے انتظامیہ کو بالکل غیر جانب دار ہونا چاہیے، جب انہوں نے شیعب کو کچھ نہیں کہا تھا تو کم از کم دوسروں کو بھی ایسے نکالنا نہیں چاہیے تھا۔ میں نے آپ سب محترم دوستوں کو اسی وقت اطلاع کی تھی کے مجھے سب سے پہلے ہی نکالا گیا تھا۔ جس پر شیخو صاحب نے میرے حق میں آواز اٹھائی اور خود بھی باہر ہوئے۔

لیکن اب بھی اگر سیارے والے اپنی پالیسیوں پر نظرثانی کریں تو بات ٹھیک ہو سکتی ہے جیسا کے منیر صاحب نے بھی کہا ہے۔ لیکن تالی ایک ہاتھ سے نہیں بجتی دونوں طرف سے رضامندی ہونی چاہیے اور منیر صاحب۔ آپ ہی اپنے بلاگ پر سارا مسلہ لکھ کر ووٹنگ کرا لیجیے کہ یہ کام کوئی معزز آدمی ہی کر سکتا ہے۔

باقی مجھے بہت دکھ ہوا تھا ہماری ناراضگیوں کی وجہ سےؕ۔